Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokurori Special amerikan, Xhek Smith, i cili udhëhoqi dy hetime penale për Presidentin e zgjedhur Trump, dha dorëheqjen zyrtarisht nga Departamenti i Drejtësisë të premten, sipas një dokumenti gjyqësor, prokurori Special përfundoi punën e tij dhe dorëzoi raportin përfundimtar konfidencial më 7 janar 2025 dhe u nda nga Departamenti më 10 janar. Jack Smith, prokurori federal i cili akuzoi ish-presidentin e Shteteve të Bashkuara të Amerikës, Donald Trump për komplot për t’i përmbysur zgjedhjet presidenciale të vitit 2020, është njeriu që i çoi në paraburgimin e Gjykatës Speciale ish-krerët e Ushtrisë Çlirimtare të Kosovës. Dorëheqja e Smith-it, e paralajmëruar më herët, shënon përfundimin e një kapitulli të tensionuar për Departamentin e Drejtësisë, gjatë të cilit Trump u përball me akuza penale historike. Të dyja çështjet e ngritura nga Smith hasën pengesa: çështja për dokumentet u hodh poshtë nga Cannon, ndërsa çështja për zgjedhjet e 2020 u shty nga Gjykata e Lartë, duke rezultuar në një vendim që konfirmoi imunitetin e gjerë presidencial.
