Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me anë të një parashtrese drejtuar gjyqtarit paraprak, Nicolas Guillou, Zyra e Prokurorit të Gjykatës Speciale i ka parashtruar atij dosjen paraprake të prokurorisë, listën e dëshmitarëve dhe provave, si dhe tabelën e nxjerrjes së materialeve, në rastin ku po akuzohen Hysni Gucati dhe Nasim Haradinaj. Në bazë të kësaj shkresë, dosja paraprake e prokurorisë përmban një përmbledhje të provave që Zyra synon t’i paraqesë për të provuar akuzat në aktakuzë, raporton “Betimi për Drejtësi”. Kurse lista e dëshmitarëve përmban dëshmitarët që ZPS-ja synon t’i thërrasë gjatë gjykimit, ku lista përmban informacionin e kërkuar si dhe lista e provave përmban provat e propozuara që synon t’i paraqesë në gjykim. Hysni Gucati, së bashku me Nasim Haradinajn, po akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës. (Betimi per Drejtesi).
