Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale e Kosovës ka ngritur aktakuzë në Gjykatën Themelore të Prishtinës – Departamentin Special, kundër një shtetas boshnjak, për veprën penale “Krim i luftës kundër popullsisë civile”. I pandehuri akuzohet për pjesëmarrje në vrasjen e tre civilëve shqiptarë gjatë luftës në Kosovë, ngjarje që ka ndodhur në shtëpinë e familjes Dyla në Gjakovë. Përveç kësaj, hetimet kanë zbuluar se ai ka qenë i përfshirë në dëbimin e familjes Dyla dhe shkatërrimin e pasurisë së tyre. Aktakuza tashmë i është kaluar Departamentit Special të Gjykatës Themelore në Prishtinë për procedurë të mëtejshme. Aktualisht, i pandehuri ndodhet në paraburgim, bazuar në vendimin e gjyqtarit të procedurës paraprake.
