Promovohen bukuritë e Bjeshkëve të Nemuna, kërkohet zhvillimi i turizmit

25/06/2021 Institucionet

Qendra Kosovare për Zhvillim dhe Avokim (KADC) bashkërisht me komunën e Deçanit kanë mbajtur konferencë me temën “Turizmi në Bjeshkët e Nemuna”, raporton Ekonomia Online. Fitore Hulaj, ish-drejtoreshë për Ekonomi dhe Zhvillim në komunën e Deçanit foli mbi ndikimin e këtij projekti në zhvillimin e turizmit në Bjeshkët e Nemuna. Ajo tha se ky projekt ka ndikuar shumë në fuqizimin dhe promovimin e bjeshkëve të Deçanit, duke ndikuar shumë në turizëm.“Projekti ka ndikuar në fuqizimin dhe promovimin e bjeshkëve të Deçanit që luajnë një rol të rëndësishëm në turizëm. Ky projekt përfshin shumë aktivitete në bjeshkë dhe ndikon në disa aspekte”, tha ajo. Arben Lila, drejtor i programit në KADC foli mbi zhvillimin e Eko-turizmit. Sipas tij, këto aktivitete e ky projekt lidhet edhe me Malin e Zi e që sipas tij, është edhe qëllimi që turizmi të zhvillohet sa më shumë. “Ky projekt ka rëndësi të madhe pasi lidhet edhe me Malin e Zi dhe që ndikon në zhvillimin e turizmit sa më shumë”, tha Lila. Në fund të kësaj konference u shfaqën edhe tri video promovuese rreth trashëgimisë kulturore të kësaj komune.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara