Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke e ditur se ndryshimi i Ligjit për Zgjedhjet e Përgjithshme do të përcillej me reagime të shumta nga opozita dhe në asnjë mënyrë nuk do të pranohej, kryetari i Vetëvendosjes, Albin Kurti qëllimisht e vuri në rend të dite, në Kuvendin e Kosovës, para kohe dhe pa asnjë arsye, por me një dinakëri të sojit të vet. Ai e dinte se ky ligj do të shkaktonte një reagim të fortë të opozitës, të cilën do ta fuste në kurth për të bërë një kompromis. Pas reagimit edhe të ambasadave, ai e tërhoqi projektligjin, por e kushtëzoi si kompromis në mënyrë që LDK-ja e mbetur të pranonte ta bënte ku0rumin për zgjedhjen e Vjosa Osmanit kryetare dhe e arriti këtë. Pastaj përnjëherë deklaroi se sonte fitoi opozita por nesër do të fitojmë ne me zgjedhjen e Vjosa Osmanit, kryetare të Kuvendit.
Këtij mashtrimi të Kurtit, tash për tash nuk iu nënshtruan deputetët e LDK-së, Driton Selmanaj, Avdullah Hoti dhe Agim Veliu, ndërsa të tjerët janë në dispozicion të bëjnë kuorumin të cilit, sipas rezultatit të dytë të votimit, i mungon vetëm edhe një deputet.
Shtyrja e afatit të votimit për ditën e sotme, nga kryetari i Kuvendit, mbase është bërë me qëllim të ndonjë pazari politik, mbase në pritje për tu kthyer nga Shqipëria deputeti i PDK-së, Xhavit Haliti, i cili fare lehtë mund t ia japë votën, zonjës, Vjosa Osmani, “për pikë të qejfit”, pa e pyetur fare partinë, ashtu sikur ia kishte dhënë votën edhe kryetarit të Kuvendit, Glauk Konjufca, duke injoruar madje edhe duke e përçmuar qëndrimin e të gjithë kolegëve deputetë të partisë, së cilës ende i takon.
Po kështu përpjekjet për arritjen e kuorumit u manifestuan me pazare, ashtu sikur edhe në të kaluarën, pesë vjet më parë, kur vota e kushtëzuar e deputetes së LDK-së, Alma Lama kishte qenë vendimtare për zgjedhjen e Hashim Thaçit, kryetar të Kosovës, dhe më pas, sipas pazarit të arritur paraprakisht, ajo ishte emëruar ambasadore e Kosovës, në Itali.
Duket se një pazar të këtij lloji e ka luajtur edhe deputetja e AAK-së, Albena Reshitaj, e cila doli kundër qëndrimit të partisë dhe votoi për ta bërë kuorumin. Tani i ka mbetur radha, Xhavit Halitit, që ka nëpër duar vetëm nga dy tre milionë euro në ditë dhe që bën pazare ekonomike e politike, në Kosovës, Shqipëri e gjithandej por vështirë se do të marrë ndonjë favor nga Albin Kurti, përveç nëse kalon në Vetëvendosje, ashtu sikur thuhet se ka bërë, deputetja Reshitaj. Edhe nëse bëhet pjesë e Vetëvendosjes, Xhavit Haliti nuk e manipulon dot Albin Kurtin ashtu sikur ka manipuluar dhe po e manipulon, po e shpërfillë dhe po e injoron PDK-në, në radhët e së cilët gjithnjë ka qenë më i privilegjuari, zyrtar i dytë apo i tretë, dhe ka përfituar tenderë, pasuri, qindra hektarë tokë dhe favore pa fund. Futja nën ombrellën e Vetëvendosjes, në radhë të parë mund të komentohet si përpjekje për sigurim për pasurinë e tij të tundshme e të patundshme…
