Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Ferizajt, përmes projektit “Kontrata Sociale” në bashkëpunim me USAID-in Amerikan organizoi takimin publik, buxhetimi me pjesëmarrje për vitin 2024. Ky proces është mbajtur me banorët e zonës së parë të qytetit. Hapjen e këtij takimi e ka bërë drejtoresha e Financave Sebahate Ajeti-Sadiku me bashkëpunëtoret e saj. Në këtë takim kanë marrë pjesë një numër i madh i qytetarëve të cilët kanë dhënë edhe idetë dhe propozimet e tyre për projektin që pritet të investohet nga komuna e Ferizajt.
Propozimet që u dhanë ishin:
– Të bëhet rregullimi i oborrit të shkollës “Afrim Abazi”
– Blerja e pajisjeve për zhvillimin e sowtverit në Gjimnazin “Kuvendi i Arbërit”
– Vendosja e shportave të mbeturinave në tërë zonën e parë të qytetit
– Mbjellja e drunjve në rrugën “Brahim Ademi” dhe rrugën “Epopeja e Jezercit”
U bë e ditur se Komuna e Ferizajt, ka ndarë 120 mijë euro për realizimin e tri projekteve në zonën e parë të qytetit, në fshatin Greme si dhe në fshatin Komogllave. Nesër duke filluar nga ora 18:00 në shkollën “Jeta e Re” në Greme do të bëhet votimi i projekteve të propozuara, ndërsa nga ora 19:30 edhe në fshatin Komogllave do të votohen projektet nga ana e banorëve.
