Propozohet plotësim-ndryshimi i Statutit të Komunës së Ferizajt, në mënyrë që të formohet Drejtoria e Inspektoratit

25/05/2021 Institucionet

Këtë të martë është mbajtur mbledhja e katërt e rregullt e Komitetit për Politikë dhe Financa në komunën e Ferizajt e cila është thirrur nga kryesuesja e Kuvendit Kristina Gashi-Bytyqi. Ne këtë mbledhje nënkryetari i Komunës së Ferizajt, Arton Gavazi, ka bërë propozim-vendimin për plotësim- ndryshimin e nenit 59 paragrafi 1, pika 1 e Statutit të Komunës, në mënyrë që të formohet Drejtoria e Inspektoratit. Në arsyetimin e tij nënkryetari Gavazi, është shprehur se për shkak të rrethanave të krijuara për një menaxhim më të mirë është paraqitur nevoja për formimin e kësaj drejtorie. Pavarësisht diskutimeve për këtë propozim, u vendos që kjo pikë e rendit të ditës të diskutohet në mënyrë të detajuar në mbledhjen e Kuvendit të Komunës së Ferizajt. Ndërkaq drejtori i pronës, gjeodezisë dhe kadastrit Sabri Murseli, ka bërë dy propozim-vendime për shpalljen e interesit të përgjithshëm të ngastrave kadastrale 1091-1 në zonën kadastrale në Ferizaj, si dhe për pjesët e këtyre ngastrave 630-0,632-0,633-0,634-o në zonën kadastrale në Komogllave. Po ashtu u diskutua edhe propozim-vendimi për dhënien në shfrytëzim afatgjatë të pjesës së parcelës 629-1 të zonës kadastrale në Babush të Ri. Anëtaret e Komitetit për Politikë dhe Financa të gjithë njëzëri u dakorduan që raportin e punës për vitin 2020, ta diskutojnë në mbledhjen e Kuvendit të Komunës që do të mbahet të premten.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara