Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Punëtorët e Ferronikelit kanë bllokuar hyrjen e kësaj fabrike, për të mos lejuar bartjen e xeheve nga fabrika drejt Maqedonisë. Punëtorët akuzojnë menaxhmentin se në mënyrë të fshehtë është përpjekur të bartë xehet nga fabrika. Sindikalistët janë takuar me menaxhmentin, por sipas kryetarit të sindikatës, drejtuesit e fabrikës nuk kanë dhënë asnjë shpresë se fabrika do të rinisë prodhimin. Punëtorët, të lodhur dhe të shqetësuar për të ardhmen e tyre, kanë kërkuar ndihmën e institucioneve për të mundësuar nisjen e punës, pasi situata ekonomike e tyre ka filluar të përkeqësohet. Kamionët janë porositur që të vijnë nga Maqedonia dhe të marrin materialin e gatshëm nga rezervat brenda fabrikës, të mbetura para se ndërmarrja të ndalte prodhimin. Komuna e Drenasit ka liruar për një vit nga tatimi ndërmarrjen, por ka kërkuar ndërhyrjen e shpejtë të qeverisë.
