Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Kuvendit të Kosovës, Reshat Qalaj ka thënë se paralajmërimet e Shteteve të Bashkuara të Amerikës mbi mundësinë e ndërprerjes nga ana e tyre me policinë e Kosovës, janë shumë shqetësuese. Ai ka theksuar se policia duhet të veproj e pandikuar nga aspekti operacional ashtu siç përcakton edhe ligji i policisë. “Ka një kohë bukur të gjatë, ka dy tri-vite që ne jemi duke folur vazhdimisht mbi ndikimin direkt të Ministrisë së Brendshme dhe qeverisë së Kosovës në punët operacionale të Policisë së Kosovës. Asnjë parti politike, askush, asnjë politikan, pavarësisht a është i pozitës apo i opozitës nuk duhet të ketë tendenca të përzierjes në punët operacionale të policisë. Mund të them që PK-ja veç është sanksionuar nga ShBA-ja, meqenëse ka vite që askush më nuk shkon në trajnime në FBI. Sa kam informata janë ndalur edhe trajnimet në Gjermani e kështu me radhë, prandaj këto janë masat që janë duke u marrë fatkeqësisht ndaj Policisë së Kosovës” ka theksuar deputeti nga radhët e Partisë Demokratike të Kosovës, Reshat Qalaj.
