Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veriu i vendit tonë vazhdon të jetë i bllokuar me vendosjen e barrikadave nga serbët në shenjë proteste, për arrestimin e ish-policit, Dejan Pantiq. Një pjesë e qytetarëve serbë ne veri janë parë të maskuar, ndërsa në duar kanë mbajtur flamuj të Serbisë. Kurse, në zonën e kufirit në Jarinë, shihen pjesëtarë amerikanë të misionit paqeruajtës të KFOR dhe Policia e EULEX-it por nuk ndodhet asnjë pjesëtar i Policisë së Kosovës. Javën e kaluar Serbia i ka bërë kërkesë NATO-s lidhur me dislokimin e një mijë trupave ushtarake dhe policore serbe në Kosovë, por ende nuk ka marrë përgjigje. Ndërkombëtarët kanë bërë thirrje dhe kërkojnë largimin e barrikadave. Emisari i Posaçëm i Shteteve të Bashkuara të Amerikës për Ballkanin Perëndimor, Gabriel Escobar tha se barrikadat duhet të hiqen nga njerëzit që i kanë vendosur. Ndërmjetësi evropian në dialog Miroslav Lajçak, tha se barrikadat duhet të hiqen me marrëveshje politike, jo me buldozerë. Kryeministri i Kosovës, Albin Kurti, çështjen e veriut ia ka lënë në dorë KFOR-it, pasi Qeveria e tij nuk është e gatshme ta shtrijë sovranitetin në veri. Xhelal Sveçla është në pritje të KFOR-it, përndryshe është zotuar se ka vetë kapacitete të përballet me barrikadat, por po përmbahet për shkak se nuk do t’ i ndërhyjë në punë KFOR-it dhe EULEX-it.
