Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-drejtori i përgjithshëm në Trepçë, Halil Qela, i cili aktualisht është drejtor i flotacionit në këtë ndërmarrje ka tërhequr vërejtjen se gjendja në këtë ndërmarrje është terjet e rëndë dhe punëtorët e saj mund të mbesin pa paga. Ai ka përkujtuar më tutje se kjo ndërmarrje e cila dikur ka qenë gjigand, tani nuk po arrin t’i sigurojë as pagat për 1 mijë e 300 punëtorëve. Ai ka treguar se në vitet e para luftës, prodhimi në këtë kombinat ka qenë mbi 700 mijë tonë. Në kohën kur e ka drejtuar kombinatin, në vitin 2012-2014, prodhimi ka qenë 240 mijë tonë në minierën e Stantërgut dhe Kishnicës, ndërsa sot është shumë më pak, rreth 40 përqind. Gjendja aktuale fatkeqësisht nuk është e mirë dhe sipas tij, nëse nuk bëhet një zgjidhje e shpejt dhe e drejtë prej Ministrisë së Zhvillimit Ekonomik, përkatësisht e Qeverisë, do të ketë rrezik në këtë muaj për sigurimin e pagave për punëtorë, e mos të flitet siç tha ai për ekzistencën e Trepçës, ka paralajmëruar drejtor i flotacionit në këtë ndërmarrje, Halil Qela.
