Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrat e Jashtëm të 46 vendeve anëtare të Këshillit të Evropës takohen sot në Strasburg, në sesionin vjetor me rastin e 75-vjetorit të themelimit të kësaj organizate, por çështja e pranimit të Kosovës në këtë mekanizëm nuk është në agjendë. Qeveria e Kosovës, edhe pse premtoi, nuk e dërgoi për shqyrtim në Gjykatën Kushtetuese një projekt-statut të BE-së për themelimin e Asociacionit të Komunave me shumicë serbe, që ishte vendosur edhe si kusht për Kosovën për anëtarësimin në këtë organizatë. Një letër zotimi që Kosova e dërgoi në Këshillin e Evropës, ku thuhet se Kosova do ta hartojë deri në fund të muajit maj një draft statut të saj për Asociacionin nuk gjeti mbështetje nga mekanizmat ndërkombëtarë, por as edhe nga kryetarja, Vjosa Osmani, e cila tha se letra e dërguar në Këshillin e Evropës nga ministrja e Jashtme e Kosovës, Donika Shvarc, nuk ishte koordinuar me të. Në letrën e Gërvallës, thuhet mes të tjerash se “projekt statuti i frymëzuar në bazë të një propozimi të hartuar nga Fondacioni gjerman Friedrih-Ebert në janar të vitit 2023, do t’i dërgohet për interpretim Gjykatës Kushtetuese të Kosovës deri në fund të muajit maj.
