Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kabineti i ri qeveritar ka miratuar shfuqizimin e vendimit për rritjen e pagave që e kishte marrë Qeveria e ish-kryeministrit, Ramush Haradinaj në dhjetor të vitit 2017. “Pagat kthehen me rregullimin e mëhershëm. Ky vendim nuk ka efekt në Gjykatën Kushtetuese as në sistemin juridik”, ka thënë kryeministri, Albin Kurti. Janë shfuqizuar të gjitha vendimet për emërimet e koordinatorëve nacionalë. Në vendimin e 20 dhjetorit të vitit 2017, Qeveria Haradinaj kishte vendosur për rritje të pagave për 100 për qind. Kryeministrit Haradinaj nga 1500 euro paga i ishte bërë 2950 euro. Sipas Ligjit për Gjykatat paga e kryeministrit dhe e zyrtarëve të tjerë në kabinetin qeveritar është ekuivalente me pagat në sektorin e drejtësisë. Kjo kishte bërë që pagat, pos Haradinajt dhe kabinetit të tij, ishin rritur edhe në këtë sektor.
