Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përderisa Qeveria i ka rritur pagat në të gjitha nivelet, mjekët nga të cilët varet jeta e njeriut, janë barazuar me shoferët e veturave zyrtare të Qeverisë. Një mjek specialist merr pagë mujore 659 euro, kurse shoferët e kabinetit qeveritar paguhen 580 euro. Por, shoferët qeveritarë paguhen më shumë se mjekët e përgjithshëm, të cilët kanë pagë 565 euro. Kryetari i Sindikatave të Shëndetësisë së Kosovës, Blerim Syla, pagat e punëtorëve shëndetësorë i quan skandaloze, madje ai paralajmëron kolaps në shëndetësinë e Kosovës. “Për punëtorët shëndetësorë dhe për mjekët në veçanti, është tepër ofenduese, sepse dihet çka punohet në mjekësi. Sot një vozitës, ose një zyrtar i ulët, merr pagë më të lartë se një kirurg apo mjek specialist. Kjo është me të vërtetë ofenduese ka thënë z. Blerim Syla.
