Qeveria Japoneze dhuron donacion për QKMF-në në Kaçanik

10/03/2017 Institucionet

Me kërkesë të Komunës së Kaçanikut, përmes Drejtorisë së Shëndetësisë dhe Mirëqenies Sociale, Qeveria japoneze do t’i dhuroj Qendrës Kryesore të Mjekësisë Familjare në Kaçanik një Autoambulancë dhe një Minibus për bartjen e pacientëve me dializë. Kontratën e nënshkroi Drejtori i QKMF-së Nejazi Ilazi me përfaqësuesit e Qeverisë Japoneze, i cili e vlerësoi këtë projekt si shumë të nevojshëm për Komunën e Kaçanikut, ndërsa shtoi se pas nënshkrimit të kësaj kontrate brenda 120 ditëve do të implementohet projekti në tërësi. Në ceremoninë e nënshkrimit i pranishëm ishte edhe Kryetari i Komunës së Kaçanikut Besim Ilazi, i cili tha se në mesin e prioriteteve gjatë vitit 2017 për Komunën e Kaçanikut është edhe rregullimi i infrastrukturës shëndetësore si dhe ngritja e cilësisë  së shërbimeve shëndetësore. Nga ana tjetër, Drejtoresha për Shëndetësi dhe Mirëqenie Sociale Diana Reka, tha se vlera e këtij projekti është 52 mijë e 715 euro, ndërsa ky projekt do të lehtësoj punën e QKMF-së në Komunën e Kaçanikut dhe do të ndihmoj në krijimin e kushteve sa më të mira në këtë qendër mjekësore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara