Qeveria ka kërkuar nga Bashkimi Evropian t’i heq masat ndëshkuese ndaj Kosovës. Zyrtar të lart të Qeverisë kanë thënë se zvogëlimi i pranisë së policisë në objektet komunale dhe rrethe e përqark tyre si dhe ulja e tensioneve, duhet të pasohet me heqjen e masave të vëna nga Bashkimi Evropian ndaj Kosovës. Nga zyra e zëvendëskryeministrit, njëherësh kryenegociatorit në dialog, Besnik Bislimi, kanë thënë për Kosvapres se masat e Bashkimit Evropian ndaj Kosovës kanë qenë të padrejta dhe si të tilla duhet hequr. “Në vazhdimësi e kemi theksuar qe masat ndaj Kosovës kanë qenë të padrejta dhe që tashmë duhen hequr. Qeveria e Republikës së Kosovës ka qenë dhe mbetet e përkushtuar për deeskalim, të cilën e dëshmoi dhe marrëveshja ne Bratislavë dhe implementimi në hapat e saj nga ana e Kosovës”, është cituar të ketë thënë, Klisman Kadiu, këshilltar i zëvendëskryeministrit Besnik Bislimi.
![Pagat më të larta të vendit do t’ i ketë treshja: Vjosa Osmani, Albin Kurti dhe Glauk Konjufca më të ulëtat, shërbyesit civilë](https://www.radiokosovaelire.com/wp-content/uploads/qeveria-kurti-2-600x360-1-600x330.jpg)