Qeveria komunale në Malishevë diskuton draft buxhetin për vitin e ardhshëm

10/08/2018 Institucionet

Kryetari i Komunës së Malishevës, Ragip Begaj, ka mbajtur një mbledhje të qeverisë komunale, ku është trajtuar hartimi i projekt buxhetit për vitin 2019. Bazuar në të dhënat e prezantuara nga drejtori komunal për buxhet, Valon Mazreku, buxheti për vitin e ardhshëm, do të jetë mbi 14 milion euro. Në këtë takim, drejtori Mazreku, ka prezantuar në detaje qarkoren e dytë buxhetor të Kornizës Afatmesme Buxhetore 2019-2021, me theks të veçantë për vitin 2019, ku sipas kësaj qarkore, buxheti i Komunës së Malishevës, për vitin 2019 është 14,347, 979.00 euro, ndërsa për investime kapitale janë të parapara 4,335,559.00 euro. Kryetari Begaj dhe drejtori Mazreku, gjithashtu kanë prezantuar edhe planifikimin e dëgjimeve publike, me qytetarë dhe grupet e interesit, për hartimin sa më të mirë të buxhetit për vitin e ardhshëm, sidomos për planifikimin e investimeve kapitale dhe orientimin e këtyre investimeve. Dëgjimet publike, për hartimin e projekt buxhetit për vitin e ardhshëm, do të mbahen nga java e ardhshme.

Kontrolloni gjithashtu

Kryetari Aliu ngushëllon familjen Shaqiri, me rastin e ndarjes nga jeta të të gazetarit të mirënjohur Sylejman Shaqiri

Me dhembje e pikëllim të thellë, morëm lajmin për ndarjen nga jeta të gazetarit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara