Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-zëdhënësi i NATO-s, gjatë luftës në Kosovë, Xhejmi Shia deklaroi se pavarësisht se inteligjenca lëshoi paralajmërimin për një rrezik të lartë për konflikte ndëretnike në Ballkanin Perëndimor, nnuk duhet dramatizohet situata. Nuk shoh mundësi për një luftë mes Serbisë dhe Kosovës. Por ka tensione, sigurisht, dhe kjo është një nga arsyet pse NATO dërgoi forca shtesë në KFOR vitin e kaluar, si para incidentit në Banjskë, ashtu edhe pas incidentit në Banjskë, për t’u siguruar që ka mjaft ushtarë të NATO-s në Kosovë, përfshirë këtu në veri, për të parandaluar çdo lloj agresioni, për të parandaluar çdo lloj sulmi. NATO është shumë vigjilente. Situata është e tensionuar, por NATO është plotësisht e mobilizuar tha Xhjemi Shia. Këtu është edhe BE-ja, për të menaxhuar krizat, për të parandaluar incidentet, për të ulur tensionet dhe mbi të gjitha, për të rikthyer në shina dialogun politik me Beogradin dhe Prishtinën. Për ta arritur këtë, sipas ish-zëdhënësit të NATO-s, gjatë luftës në Kosovë, Xhejmi Shia është e rëndësishme që kryeministri, Albin Kurti duhet ta dëshmojë se është partner i besueshëm i Amerikës dhe e BE-së, ashtu siç ishin qeveritë e kaluara, në Kosovë.
