Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasi Lista Serbe është larguar nga Qeveria e Kosovës, koalicioni qeverisës ka humbur shumicën në Kuvend. Ky veprim ka nxitur reagimin e shpejtë të opozitës për zgjedhje të parakohshme. Duke bazuar në gjendjen aktuale, Qeveria nuk e ka shumicën, por as opozita nuk i ka 61 votat e nevojshme për rrëzimin e Qeverisë, po që se asaj nuk i bashkohet Lista Serbe. Subjekti politik që po inkurajon pjesën tjetër të spektrit politik në Kuvend për zgjedhje të parakohshme është Lidhja Demokratike e Kosovës, e cila ndonëse në opozitë, tash për tash përbën grupin më të madh parlamentar. Deputeti Arben Gashi, nga Lidhja Demokratike e Kosovës, tha për Radion Evropa e Lirë se një Qeveri e pakicës nuk mund ta udhëheq vendin, andaj sipas tij, vendi duhet të shkojë në zgjedhje sa me parë. Kryetari i Partisë Demokratike të Kosovës, njëherësh edhe kryetari i Kuvendit të Kosovës, Kadri Veseli në deklarimet e tij për media ka thënë se nuk po i sheh shumë serioze propozimet për zgjedhje të Lidhjes Demokratike të Kosov Lëvizja Vetëvendosje e cila po kalon një moment të vështirë pas largimit të një numri të madh të deputetëve dhe zyrtarëve të saj, konsideron se ka shumë arsyeje që kjo Qeveri të dorëhiqet. (REL)
