QKMF  Dr. ,,Vezir Bajrami” në Shtime bëhet me objekt të ri

31/05/2016 Institucionet

Mantelbardhët e Shtimes me gëzim si asnjëherë më parë kanë nisur punën në objektin e ri të Qendrës Kryesore të Mjekësisë Familjare “Dr. Vezir Bajrami”. Kostoja e këtij projekti me rëndësi, është 177,154.35 euro, mjete këto të ndara nga buxheti i Komunës së Shtimes. Ky objekt modern ka hapësirë të brendshme 795 metra katrorë, me të cilin janë krijuar kushte për funksionim cilësor të shërbimeve mjekësore për qytetarët tanë. “Ky projekt është vetëm një nga shumë projekte të tjera të realizuara në këtë komunë”, ka thënë drejtori i Shëndetësisë dhe Mirëqenies Sociale, Musa Baftiu, i cili tutje ka folur për rëndësinë e funksionimit cilësor të shëndetësisë në tërësi për qytetarët e kësaj komune.

Ndërkaq, drejtoresha e QKMF-së, Mirditë Qeriqi-Hajdari, ndërtimin e këtij objekti të ri e ka vlerësuar si arritje të madhe dhe të rëndësishme për shërbimet e urgjencës brenda 24 orëve. Në katin përdhes, thotë ajo do t’i nënshtrohen kontrollit mjekësor, të gjithë pacientët, të cilët janë rast emergjent, kurse kati i parë do të shfrytëzohet kryesisht për ofrimin e shërbimeve të mjekësisë familjare. Mjeku i QKMF-së në fjalë, Përparim Ramusa pasi ka treguar se këto shërbime deri tani janë bërë në hapësira të pamjaftueshme, ndërtimi i këtij objekti jo vetëm që ka sjellë komoditet, por edhe kushte të mira për punë.

Drejtori i DSHMS-së, Musa Baftiu tregoi se në objektin e mëhershëm të QKMF-së do të mbesin shërbimet e specialistikës, diagnostikës, stomatologjisë dhe vaksinimit. Sipas tij, objekti i ri do të përurohet më 16 qershor, me rastin e Ditës së Shëndetësisë në komunën e Shtimes.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara