QKMF-ja e Vitisë u bë me tunel dezinfektues, falë donacionit nga kompania “Ekologjia”

20/04/2020 Institucionet

Komuna e Vitisë, nuk po është e vetëm në luftën kundër përhapjes së virusit pandemik COVID-19, ajo po ndihmohet edhe nga njerëz të vullnetit të mirë. Kompania “Ekologjia” i ka dhuruar sot një tunel dezinfektues QKMF-së në Viti. Me këtë rast Kryetari i Komunës së Vitisë, Sokol Haliti, me bashkëpunëtor ka parë nga afër funksionimin e tunelit dezinfektues në Viti, që është i vendosur në oborrin e kësaj qendre “Sot në oborrin e QKMF-së në Viti, është vendosur tuneli dezinfektues i cili është shumë të rëndësishëm në luftën kundër përhapjes së virusit pandemik COVID-19. Deri me tani nga ky virus janë prekur 44 qytetarë të komunës së Vitisë, të lokaliteteve të ndryshme. Ky tunel, është donacion nga kompania “Ekologjia” e cila ka kuptuar se lufta kundër këtij virusi është i përbashkët. Prandaj dëshiroj të falënderoj këtë kompani për këtë donacion të çmuar”, u shpreh Kryetari Haliti. Megjithatë ai ju bënë thirrje qytetarëve që të ndjekin udhëzimet e ekspertëve dhe të mbajnë distancën sociale. Kryetari Haliti theksoj se Komuna e Vitisë, konkretisht Komiteti Komunal për Mbrojtje dhe Shpëtim po bashkëpunon me të gjithë që të menaxhohet sa ma mirë situata e krijuar nga virusi COVID-19. Ndërkaq me vendim të Ministrisë së Shëndetësisë së Republikës së Kosovës fshatrat: Ramjan, Pozheran, Gjylekar, Smirë, Goshicë por edhe rruga “UÇK” në Viti janë shpallur vatra të përhapjes së infeksionit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara