leoni

QKMF në Skenderaj pranoi pajisje medicinale donacion nga Gjermania

22/08/2016 Institucionet

Nënkryetari i komunës së Skenderajt Fadil Nura bashkë me zëvendësministrin e Shëndetësisë Mevludin Krasniqi kanë pranuar një donacion me 2000 njësi pajisje medicinale nga Gjermania dedikuar QKMF-së në Skenderaj.

Më këtë rast nënkryetari Nura ka falënderuar të gjithë ata që kanë ndihmuar në realizimin e këtij donacioni të vlefshëm për Komunën e Skenderajt. Ai në veçanti ka falënderuar zëvendësministrin Krasniqi për përkrahjen në adresimin e nevojave shëndetësore dhe ngritjen e efikasitetit të shërbimeve shëndetësore.

Ndërsa z. Mevludin Krasniqi ka shprehur përkushtimin e Ministrisë së Shëndetësisë për ndihmë institucioneve shëndetësore në ngritjen e efikasitetit të shërbimeve shëndetësore.

Nura dhe z. Krasniqi me këtë rast kanë vizituar edhe hapësirat e objektit të ri të QKMF-së, objekt që pritet të lëshohet në punë së shpejti.

Donacioni i pranuar është dhuruar nga Klinika Universitare e Jenës nga Gjermania dhe është realizuar përmes shoqatës ICS.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara