QKMF në Viti pajiset edhe me një autoambulancë

16/09/2021 Institucionet

Qendra Kryesore e Mjekësisë Familjare në Viti, është pajisur sot edhe me një autoambulancë, falë bashkëpunimit me Organizatën “Qëndresa Kosovare” dhe donatorëve nga shteti I Kuvajtit. Pranim dorëzimin e kësaj autoambulance e bëri përfaqësuesi i organizatës “Qëndresa kosovare” Islam Cakaj dhe kryetari i komunës së Vitisë Sokol Haliti. Me këtë rast, kryetari Haliti ka falënderuar udhëheqësit e organizatës në fjale dhe popullin kuvajtian për këtë donacion mjaft me vlerë, duke konsideruar si shumë të domosdoshëm dhe në kohën më të duhur. Ai përmendi dhe shprehu falënderim edhe për investimet që Kuvajti ka bërë muaj më parë në ndërtimin e ambulantes së fshatit Tërpezë, kur edhe ishte premtuar se do të sjellin edhe një autoambulancë për QKMF-në në Viti. Kryetari Haliti u shpreh gjithashtu se do të vazhdojnë bashkëpunimin me “Qëndresën kosovare” edhe në të ardhmen, duke parë nevojat që paraqiten në teren. Kurse Islam Cakaj nga kjo organizatë, tha se është më se i kënaqur që po realizon edhe një donacion për komunën e Vitisë, konkretisht shëndetësinë e kësaj komune dhe ka falënderuar udhëheqësit e QKMF-së për bashkëpunim të ndërsjellët. Sipas drejtoreshës së QKMF-së Vjollca Kadolli, me autoambulancën e dhuruar sot, QKMF në Viti numëron 5 autoambulanca.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara