Kryetari i Odës Ekonomike të Kosovës (OEK), Lulzim Rafuna ka vlerësuar se ikja e të rinjve nga Kosova do të ketë dëme ekonomike të jashtëzakonshme për vendin. Ai ka shtuar më tutje se vështirë se mund të ndalohet kjo prirje e ikjes nga Kosova. “Ne duhet me u koncentruar këtu brenda te problemi jonë që e kemi, kështu që edhe këtu kërkohet ndihmë prej Qeverisë së Kosovës që t’i ndihmojë të rinjtë që mos ta lëshojnë vendin dhe t’u ofrohet një mundësi për hapjen e një biznesi në Kosovë, të subvencionohen për fillimin e një biznesi qoftë i vetëpunësuar por edhe familjarë e start-up. Mënyra më e mirë për ta joshur qytetarin me u punësuar në Kosovë është krijimi i kushteve, duhet urgjent reformimi i sistemit arsimor që me u lidh me kërkesat e tregut të punës. Ne duhet me prodhu kuadro të cilat i kërkon tregu i punës, duhet urgjent sistemi shëndetësor, duhet urgjent sundimi i ligjit e kështu më radhë” ka porositur, kryetari i Odës Ekonomike të Kosovës (OEK), Lulzim Rafuna.
![Lulzim Rafuna](https://www.radiokosovaelire.com/wp-content/uploads/Rafuna-620x330.jpg)