Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Odës Ekonomike të Kosovës, Lulzim Rafuna ka vlerësuar se rritja e të hyrave në doganë nuk është për t’u mburrur por për t’u alarmuar. Ai ka shtuar më tutje se Oda Ekonomike e Kosovës nuk krenohet me rritjen e të hyrave doganore sepse kërkesë e jona e vazhdueshme është ulja e importit dhe rritja e eksportit si dhe zëvendësimi i mallrave të importuara me prodhime vendore. “Ky është alarm për qeverinë e Republikës së Kosovës të përqendrohen dhe të hartojnë një politikë të mirë fiskale, që i ndihmon më shumë prodhimit tonë, në mënyrë që të kemi më shumë eksporte dhe ta ulim deficitin tregtar” ka thënë për Ekonomia Online, eksperti i ekonomisë, Lulzim Rafuna. Ai ka theksuar më tutje se sanksionet Bashkimit Evropian ndaj Kosovës, përveç dëmeve të drejtpërdrejta, kanë sjellë edhe dëmtim imazhi për shtetin dhe kanë përçuar një mesazh të keq te investitorët e huaj. “Për shkak të këtyre masave janë dëmtuar shumë kompanitë e qytetarët ndërsa në anën tjetër, të gjitha vendet e rajonin morën pjesën e vet nga fondi i Bashkimit Evropian i digjitalizimit me përjashtim të Kosovës që u përjashtua nga kjo e drejt” ka thënë mes tjerash eksperti i ekonomisë, Lulzim Rafuna.
