Kryetari i Komunës së Rahovecit z. Smajl Latifi ka marr pjesë në konferencën e projektit ndërkufitar “Be Clean, Be Green,” i cili do të zbatohet në bashkëpunim me Komunën e Haraçinës nga Maqedonia e Veriut, i financuar nga Bashkimi Evropian.
“Sot, pata kënaqësinë të marr pjesë në konferencën e projektit ndërkufitar “Be Clean, Be Green,” i cili do të zbatohet në bashkëpunim me Komunën e Haraçinës nga Maqedonia e Veriut, i financuar nga Bashkimi Evropian. Ky projekt dëshmon angazhimin tonë për mbrojtjen e mjedisit dhe për një të ardhme të qëndrueshme.
Falënderoj partnerët, veçanërisht Komunën e Haraçinës dhe kryetarin Ridvan Ibraimi, për bashkëpunimin dhe për përkushtimin në këtë projekt.
Në Komunën e Rahovecit, kemi nisur tashmë punimet për përmirësimin e infrastrukturës, përfshirë ndërtimin e sistemeve bioseptike në gjashtë fshatra: Pastasel, Pataqan i Ulët, Pataqan i Epërm, Polluzhë, Retijë dhe Rahovec (Lagjja I). Ky projekt do të ndikojë drejtpërdrejt në përmirësimin e cilësisë së jetës për qytetarët tanë dhe do të kontribuojë në ruajtjen e burimeve tona natyrore. Së bashku, do të vazhdojmë për një mjedis më të pastër dhe të qëndrueshëm, ka shkruar në facebook, kryetari i Komunës së Rahovecit, z. Smajl Latifi.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
