Rahoveci i nderoi familjet që i dhanë shumë kombit tonë

26/11/2020 Institucionet

Kryetari i komunës së Rahovecit Smajl Latifi, së bashku me bashkëpunëtorë, veteranë të UÇK-së dhe me shumë qytetarë kanë bërë zbulimin e pllakave përkujtimore për nder të 28 nëntorit, Ditës së Flamurit kombëtar e të Pavarësisë, ditëlindjen e UÇK-së dhe të komandantit Adem Jashari.

Zbulimi i pllakave përkujtimore është bërë në këto fshatra:

 – Në Senoc shtëpia (Halil Hamëz Krasniqi), e cila dikur shërbente si ambulantë e UÇK-së,

– Polluzhë shtëpia e (Ibrahim Morinës), që ka qenë bazë logjistike e UÇK-së,

– Polluzhë- shtëpia e dëshmorit të Kombit (Shani Hotit) që shërbente si ambulantë e UÇK-së,

– Çifllak- shtëpia e (Agim Thaçit)- bazë e luftës së UÇK-së,

– Çifllak – shtëpia e (Jahë Sali Kabashit)- Mulliri që ka qenë bazë logjistike e UÇK-së,

– Ratkoc- shtëpia e (Qamil Adem Krasniqit)- bazë ilegale e LKÇK-së dhe bazë e UÇK-së,

– Ratkoc – shtëpia e (Malush Rasim Latifit)- dikur bazë ilegale e LKÇK-së dhe bazë e UÇK-së.

Kryetari Latifi ka thënë se, nderuam dhe përkujtuam sakrificën e atyre që dhanë jetën për liri, duke zbuluar pllakat që i përkujtojnë rolin dhe kontributin e madh të familjeve që shtëpitë e tyre dhe gjithçka patën i vunë në shërbim të luftës për liri e të Ushtrisë Çlirimtare të Kosovës. Këto përkujtimore do të shërbejnë si dëshmi të përjetshme të historisë sonë më të re.

Përjetësisht do të jetojë 28 Nëntori!

Lavdi të rënëve ndër breza për lirinë e atdheut!

Kontrolloni gjithashtu

Aliu: Kënaqësi t’i pres e t’i uroj kampionët që lartësuan e bën krenarë jo vetëm Ferizajn por gjithë Kosovën

Kryetari i Komunës së Ferizajt Agim Aliu ka pritur të premtën në zyrën e tij …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara