Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 24 mars 2025, u mbushën 26 vjet nga nisja e fushatës së bombardimeve ajrore të NATO-s ndaj Jugosllavisë, një veprim që kishte si qëllim ndalimin e fushatës serbe për spastrim etnik të shqiptarëve në Kosovë. Në këtë përvjetor, Ramë Buja, ish-anëtar i Shtabit të Përgjithshëm të Ushtrisë Çlirimtare të Kosovës, ka kujtuar periudhën e vitit 1999, kur po zhvilloheshin bisedimet në Rambuje. Ai ka theksuar se, gjatë atyre bisedimeve, Komandantët e KFOR-it u thanë udhëheqësve të UÇK-së se “duhet të mbajnë përgjegjësinë” për zhvillimet e ndodhura në atë periudhë, duke e vënë theksin në sfidat që po përballeshin. Buja ka vlerësuar rolin e Hashim Thaçit, ish-presidentit të Kosovës, duke e cilësuar atë si “pikat më të besueshme” të ndërkombëtarëve në atë kohë të luftës. “Nisja ka qenë në Kleçkë në qershor 1998. Barrën kryesore të kësaj diplomacie e kishte Hashim Thaçi. Ai ka ditur të udhëheq, realizoj lirinë e vendit. Pika më e besueshme e ndërkombëtarëve ka qenë Hashim Thaçi”, tha Buja, duke nënvizuar se Thaçi ka pasur një rol të rëndësishëm në koordinimin dhe udhëheqjen e diplomacisë që solli një rezultat për lirinë e Kosovës.
