Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot Komisioni i Pavarur për Miniera dhe Minerale, ka mbajtur mbledhjen e fundit për vitin 2021. Kryesuesja e bordit Selvete Graiçevci Pllana ka prezantuar arritjet, sfidat dhe obligimet e KPMM-së, me theks të veçantë problemet që i ka shkaktuar pandemia, por edhe vonesa e zgjedhjes së bordit të KPMM-së, ku presin për shqyrtim 300 licenca, dhe punë të tjera. Por ajo premtoi se bordi i ri do të punoj maksimalisht në realizimin e objektivave për vitin në vijim.
Drejtori i KPMM-së Ramiz Krasniqi në fjalën e tij përmbyllëse për këtë vit ka treguar se KPMM-ja, është e përkushtuar dhe në zbatimin e politikave qeveritare që ndërlidhen me sektorin e minierave, të cilat janë dokumente që krijojnë mundësi reale për zhvillimin e biznesit, shfrytëzimin racional të resurseve minerare, sigurinë dhe shëndetit në punë dhe mbrojtjen e mjedisit. Duke marr parasysh vazhdimin me gjendjen kritike nga pandemia Covid-19, qeveria e Kosovës miratoi ligji për rimëkëmbjen ekonomike – Covod-19, në të cilën ka qen i përfshirë edhe KPMM-ja, ku nga ky ligj, janë liruar nga pagesa e rentës minerare, prej datës 1 janar deri më 31 maj, të gjitha ndërmarrjet që posedojnë Licencë të Shfrytëzimit për resurse minerare. Këtë vit KPMM-ja, në këtë konferencë, ka prezantuar tri punime shkencore që trajtojnë Legjislacionin Minerar në Republikën e Kosovës, rolin e Sistemit informatikë në këtë sektor dhe Ekonominë Minerare- rasti i Republikës së Kosovës. KPMM, si institucioni i tretë në vend i cili inkason të hyra më të mëdha në buxhetin e Kosovës, për shumë vite, me afër 30 milionë të realizuara, bënë të mundur që të jetë si një indikator i rëndësishëm në zhvillimin ekonomik të vendit. Objektivat për vitin 2022 të KPMM-së, është rritja e efikasitetit duke vazhduar përmes ngritjes së sistemit të kontrollit të brendshëm dhe të qeverisjes në përgjithësi dhe objektivave të caktuara në veçanti. Si sfidë për arritjen e objektivave të parapara në të ardhmen, veçoi:- Miratimi i Ligjit për Miniera dhe Minerale. Parandalimi i ekonomisë joformale. Ngritja e kualitetit dhe sigurisë në punë në operimet minerare etj.
