Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Kosovës në Shqipëri, Ramiz Lladrovci ka drejtuar akuza të bazuara kundër Fadil Syleviqit, ish milic i UDB-së, zyrtar në Policinë e Kosovës. Ai, në prill të vitit 1998 e ka vrarë atdhetarin, Hafir Shala, vrasje e cila nuk u hetua asnjëherë deri më tani, për t’u zbardhur e vërteta e kidnapimit dhe mbytjes me dhunë nga hetuesit e pushtetit të Sllobodan Millosheviqit. Në postimin e tij për këtë rast, Ramiz Lladrovci shkruan: Dje, më 12 mars ndërroi jete znj. Shehide Shala, nëna e patriotit, atedhetarit, ish-te burgosurit politik, dhe humanistit të madh, Dr. Hafir Shalës, si dhe gjyshe e luftëtares së UÇK-së, dëshmores se kombit, Luljeta Jahir Shalës. Ajo, për së gjalli nuk i gjeti kurrë eshtrat e të birit, Dr. Hafir Shala, i kidnapuar ne prillin e vitit 1998 nga UDB-shi Fadil Syleviqi dhe i mbytur me dhunë në zyrat e hetuesisë serbe, në Prishtinë. Dr. Hafirit, më pas, ia zhdukën edhe trupin e tij, eshtrat e të cilit nuk u gjetën kurrë, ndërsa rasti nuk u hetua nga drejtësia vendore e as nga ajo ndërkombëtare.
