Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Deçanit Bashkim Ramosaj, ka shprehur kënaqësinë e veçan për ardhjen e bashkatdhetarëve dhe ka thënë se, si kryetar komune do të jem me ju dhe në dispozicionin tuaj gjatë këtyre ditëve. Andaj ju ftoj në zyrën time për kafen e mëngjesit, nga data 25 Korrik deri me datë 5 Gusht, nga ora 8:00 deri në ora 10:00, të takohemi e bashkëbisedojmë për gjitha temat që ju preokupojnë, për idetë tuaja, për zhvillimin e Deçanit apo për tema të lira të cilësdo natyrë. Të gjitha institucionet që veprojnë në Komunën e Deçanit do të jenë në dispozicionin tuaj me gatishmëri të shtuar, gjatë gjithë qëndrimit tuaj në vendlindje! Gjatë këtyre ditëve Komuna e Deçanit do të organizoj aktivitete të ndryshme për nder dhe respekt ndaj jush.
– Me datë 23 korrik, nga ora 10:00 organizohet Debat Publik me bashkatdhetarë për Planin Zhvillimor Komunal;
– Me datë 3 gusht, organizohet takim mikpritës për bashkatdhetarët te Kompleksi Turistik “Fetnete Ramosaj”;
– Me datë 6 gusht, do të bëhet zbulimi i shtatores së heroinës Fetnete Ramosaj, te Kompleksi Turistik (te Podi i Gështenjave).
Jemi falënderues për kontributin tuaj për vendin, e në veçanti për qytetin e Deçanit dhe ju dëshirojmë qëndrim të këndshëm në vendlindje, pranë më të dashurve tuaj! Ka thënë në fund kryetari Ramosaj.
