Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Kryetari i AAK-së dhe kandidat për kryeministër, Ramush Haradinaj shprehet i bindur se koalicioni opozitar që ai udhëheq do të arrijë mbi 20% të votave në zgjedhjet e 9 shkurtit dhe se partitë opozitare do të fitojnë rreth 60% të votave të përgjithshme. Ai thekson se ky rezultat do të mundësojë formimin e institucioneve të reja pa përfshirjen e qeverisë aktuale dhe bën thirrje për bashkëpunim mes partive opozitare për të shmangur bllokimet politike. Haradinaj shpreh vijat e kuqe për bashkëpunim me kryeministrin aktual, Albin Kurti, të cilin e akuzon për politika që, sipas tij, e largojnë Kosovën nga partneriteti me SHBA dhe NATO. Ai përmend si shqetësim faktin që Kosova nuk ka të njëjtin akses diplomatik si Serbia dhe i cilëson veprimet e Kurtit si të papranueshme për opozitën.
