Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Kosovës, lideri i Aleancës, Ramush Haradinaj, ka kujtuar heroinën e UÇK-së, nënën Azë Brahimaj dhe nënën e saj Zize Syla të cilat u vranë në Shqiponje (ish-Jabllanicë), 23 vite më parë. “Lavdia e UÇK-së nuk do ta kishte përmasën që e ka, pa nënat tona të pamposhtura. Në 23-vjetorin e rënies së heroinës Azë Brahimaj dhe nënës së saj Zize Syla, kujtojmë historinë e gruas shqiptare ndër shekuj, një rrugë e gjatë me shumë vështirësi e sakrifica. Nëna Azë, që në fillet e organizimit çlirimtar, u bë shtyllë e fuqishme e Ushtrisë Çlirimtare të Kosovës. Trimëria, guximi dhe vendosmëria e saj deri në vetëmohim, e bën të veçantë dhe të paharruar në kujtimin e brezave. Po atë ditë të kobshme të gushtit, do të bien në altarin e lirisë, dëshmori Idriz Gucati dhe martirët Ukshin Hamza, Arif e Sejdi Kosumi”, ka shkruar ai.
