Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka reaguar pas situatës së krijuar në veri të Mitrovicës, pas aksionit të Policisë së Kosovës kundër kontrabandës së mallrave. Ai është shprehur se huliganët serbë, të cilët kanë sulmuar zyrtarët policorë të Kosovës duhet që të burgosen. “Askush nuk ka të drejtë të ngrejë dorë ndaj policit të Kosovës. Huliganët dhe banditët duhet të burgosen dhe shteti duhet të jetë i pakompromis ndaj tyre. Secili që sulmon policinë e Kosovës dhe e prish rendin publik duhet ta marrë dënimin e merituar”, ka thënë Haradinaj. Ai ka kërkuar nga Qeveri që të japë sqarim për këtë aksion, pasi sipas tij duhet të hiqet dilema se aksioni është bërë për shkak të zgjedhjeve lokale të 17 tetorit në vend. Qeveria e ka për detyrë ta sqarojë edhe opinionin publik, edhe veten, për përzgjedhjen e momentit kohor për kryerjen e këtyre operacioneve. Nëse është e mundshme duhet të hiqet çdo dilemë, se këto aksione mund të jenë kryer për efekte elektorale, ka thënë Haradinaj.
