Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i AAK-së dhe kandidati për kryeministër, Ramush Haradinaj, ka reaguar ashpër pas informacionit se pjesëtarëve të Policisë së Kosovës nuk iu janë paguar orët shtesë në kuadër të pagesës mujore. Haradinaj ka theksuar se kjo është një tallje me sektorin më vital të shtetit, policinë dhe ushtrinë, dhe ka akuzuar Qeverinë Kurti se po vazhdon të dëmtojë këto institucione. Ai ka deklaruar se, përveç destabilizimit të raporteve me partnerët ndërkombëtarë të sigurisë, Qeveria Kurti po vë në rrezik mirëqenien e përditshme të punonjësve të sigurisë, duke i lënë ata pa kompensim për orët shtesë dhe ndërrimet e natës. Haradinaj ka shtuar se kjo ka çuar në një largim të vazhdueshëm të policëve dhe ushtarëve nga detyrat e tyre, për shkak të kushteve të vështira financiare. Haradinaj ka theksuar se kjo situatë është pasojë e një qeverie që do të mbahet mend për dëmin më të madh që i është bërë Kosovës pas luftës.
