Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj ka reaguar ndaj sulmeve të përsëritura ndaj institucioneve të Republikës së Kosovës. Ai tha se janë një dëshmi e qartë e qëllimeve agresive të Serbisë, duke e konsideruar sulmin si një vazhdimësi të logjikës terroriste të lidershipit serb. Këto sulme përbëjnë një kërcënim të drejtpërdrejtë për rendin dhe sigurinë në Kosovë, duke kërkuar veprime të fuqishme për t’i parandaluar dhe ndëshkuar ata që tentojnë të dëmtojnë stabilitetin e vendit. Policia dhe institucionet e sigurisë të Kosovës kanë dëshmuar gatishmërinë dhe aftësinë e tyre për të trajtuar këto kërcënime dhe për të siguruar që ata që guxojnë të cenojnë rendin dhe ligjin të përballen me drejtësinë. Kosova nuk guxon të lejojë që të kthehet në strehë për terroristët dhe aktet terroriste, prandaj kërkohet një bashkëpunim dhe koordinim i fuqishëm me aleatët tanë të NATO-s, në veçanti me Shtetet e Bashkuara të Amerikës.
