Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në reagimin e Prokurores, Drita Hajdari, lidhur me lajmin e publikuar më 14 prill 2016, ku shkruan se ajo ka amnistuar kriminelët serbë, thuhet: “Në vitin 2013 kam nxjerrë një aktvendim për pushimin e hetimit ndaj një shqiptari për veprën penale të fshehjes së tatimit, duke menduar se me Ligjin për amnisti janë të përfshirë të gjithë qytetarët e Kosovës. Këtë vendim e kam nxjerr duke mos ditur që ky ligj i referohet vetëm qytetarëve serbë nga pjesa e veriut të Republikës së Kosovës, i cili ligj është rezultat i dialogut Kosovë-Serbi në Bruksel, siç edhe thuhet në raportin e Freedom House për vitin 2015. Nga prilli i vitit 2014 kur ky vendim është publikuar në TV emisionin “Betimi për Drejtësi” , sot e kësaj dite autori i këtij emisioni e shfrytëzon këtë vendim për komprometimin tim duke më quajtur ”abuzuese të ligjit për amnisti.” Kjo shpifje, siç e dini, ka depërtuar edhe në raportin e Freedom House. Lidhur me këtë raport i kam dërguar një reagim organizatës Freedom Hause në të cilin e kam sqaruar nxjerrjen e vendimit për amnisti, duke kërkuar korrigjimin e raportit në pjesën ku është apostrofuar emri im padrejtësisht. E shfrytëzoj rastin që të ju bëjë me dije se ndarja e çmimit me emrin e heroit, “Sali Çekaj” më bënë krenare për punën dhe kontributin tim në fushën e sundimit të ligjit.
Me respekt,
Drita Hajdari
Prokurore
