REÇAKU – TMERRI DHE E VËRTETA E NJË POPULLI

15/01/2020 Institucionet

Së bashku me një delegacion të strukturave drejtuese të Aleancës, aktivistë, deputetë e kryetar komunash, kryetari i komunës së Rahovecit Smajl Latifi ka bërë homazhe në Reçakun e dhimbjes dhe krenarisë së pambarim, ku më pas u mbajt edhe një akademi përkujtimore në 21 – vjetorin e vrasjes dhe masakrimit të 45 shqiptarëve. Për të 21-tin vit me radhë po bëhemi një – bashkë me dhimbjen e familjarëve e bashkëvendasve, bashkë me nyjen që na lidhet në fyt sa herë përmendet Reçaku – vendi i tmerrit, vendi që i dha jehonë mbarë Botës për gjenocidin dhe krimin që përjetoi si shpagim për këto ditë lirie. Lot, mall, dhimbje për më të dashurit që u masakruan në formën më barbare, homazhe dhe fjalë ngushëlluese, sot, kishte Reçaku në përvjetorin e 21-të të masakrës që tmerroi Botën, ku u vranë dhe u masakruan barbarisht 45 shqiptarë të paarmatosur. Ky gjenocid, tronditi gjithë opinionin ndërkombëtar. Ambasadori William Wolker, e cilësoi ngjarjen në Reçak si krim kundër njerëzimit. Madje, thuhet se masakra e Reçakut ishte pika e kthesës për luftën dhe çlirimin e Kosovës. Por, akoma edhe sot e kësaj dite, masakra e Reçakut dhe masakrat anë e kënd Kosovës, për shtetin e Serbisë po vazhdojnë të mos pranohen dhe të cilësohen si të tilla. Është injorim total dhe shtrembërim i së vërtetës kur dihet që agresori i vërtetë dhe kryesi i krimeve ka qenë vet shteti i Serbisë i cili po vazhdon të luaj me ndjenjat e familjarëve dhe me gjakun e mijëra viktimave të pafajshme shqiptare. Këto krime që arrijnë përmasat e gjenocidit janë qindra masakra të kryera nga ushtria serbe. Janë mijëra civilë të vrarë, në mesin e tyre fëmijë e gra. Janë mijëra femra të dhunuara dhe miliona shqiptarë të dëbuar nga Kosova, në një përndjekje të ngjashme me Holokaustin e hebrenjve. Andaj, është e papranueshme heshtja dhe mohimi i krimeve, është shkelje e gjakut kur edhe 21 vjet pas luftës, për këto masakra dhe krime të bëra nga Serbia, nuk ka drejtësi.

Lavdi të rënëve për Liri! Gjaku i tyre – dritë e udhërrëfim për brezat e rinj! Ka thënë në një postim të tij në facebook kryetari Latifi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara