Reçica: Familjareve të dëshmorëve u është bërë padrejtësi

18/09/2019 Institucionet

Ministri në detyrë i Punës dhe Mirëqenjes Sociale, Skënder Reçica nëpërmjet profilit të tij në facebook është shprehur se familjarëve të dëshmorëve deri më tani u është shkaktuar padrejtësi, duke ju refuzuar e drejta për përfitim të pensionit familjar të dëshmorit, krahas pensionit kontributiv.

“Përgjatë këtyre dy viteve si ministër në MPMS, në zyrën time kam pritur shumë pensionistë, familjarë të dëshmorëve të cilëve ligji aktual iu ka pamundësuar të drejtën për pension kontributiv dhe të familjarit të dëshmorit njëkohësisht. Kjo e padrejtë ka rënduar shumë pensionistët jo vetëm në aspektin financiar por gjithashtu edhe në aspektin moral e meritor.

Me Reformën Pensionale, pensionistët do të gëzojnë pensionin kontributiv për djersën e derdhur, por edhe pensionin e familjarit për gjakun e derdhur. Kjo do të realizohet me një shumë unike për të dy pensionet.

Me NISMA ‘n në Qeveri, ky diskriminim nuk do të zgjas më shumë se muajt e parë të qeverisjes, sepse ne jemi të përkushtuar në përfundimin e reformës pensionale të nisur gjatë këtij mandati”, ka shkruar ndër të tjera në profilit të tij në facebook, Ministri në detyrë i Punës dhe Mirëqenjes Sociale, Skënder Reçica.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara