Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Reshjet e shiut kanë shkaktuar vërshime në disa fshatra, madje edhe në qytetin e Skenderajt. Gjendja më e rëndë ishte në fshatrat Llaushë, Tushilë dhe Kllodernicë. Qysh në orët e hershme të mëngjesit, kryetari i Komunës së Skenderajt Fadil Nura bashkë me drejtorin e Shërbimeve Publike, Alban Shala dhe me shërbimin e emergjencave dhe zjarrfikësit, kanë dalë në terren, për të parë nga afër gjendjen dhe situatën e krijuar. Më këtë rast, kryetari Nura është gjendur afër familjeve që janë prekur nga vërshimet, ndërsa ka njoftuar se Komuna e Skenderajt do të bëjë gjithçka që mundet, për t’u dalë në ndihmë qytetarëve dhe për të tejkaluar këtë situatë. Për fat të mirë, reshjet kanë ulur intensitetin, ndërkohë që tani gjendja duket të jetë nën kontroll.
