Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia REUTERS bën të ditur se Vladimir Putin është i hapur të diskutojë me Donald Trumpin për një marrëveshje armëpushimi në Ukrainë. Por ai përjashton bërjen e ndonjë lëshimi të madh territorial dhe këmbëngul që Kievi të braktisë ambiciet për t’u bashkuar me NATO-n, – i thanë Reuters pesë burime me njohuri për mendimin e Kremlinit. Presidenti i sapozgjedhur, Trump, i cili është zotuar se do t’i japë fund konfliktit me shpejtësi, po kthehet në Shtëpinë e Bardhë në një kohë të epërsisë ruse. Moska kontrollon një pjesë të Ukrainës sa shteti amerikan i Virxhinias dhe po përparon me ritmin më të shpejtë që nga ditët e para të pushtimit të vitit 2022. Në raportimin e parë të detajuar të asaj që Presidenti Putin do të pranonte një marrëveshje të ndërmjetësuar nga Trump, pesë zyrtarët aktualë dhe ish-zyrtarët rusë thanë se Kremlini mund të pajtohej gjerësisht për të ngrirë konfliktin përgjatë vijës së frontit. Mund të ketë vend për negociata mbi ndarjen e saktë të katër rajoneve lindore të Donetsk, Luhansk, Zaporozhzhia dhe Kherson, sipas tre prej njerëzve që të gjithë kërkuan anonimitetin për të diskutuar çështje të ndjeshme.
