Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdogan, ka deklaruar se Ankaraja zyrtare nuk pret më asgjë nga Bashkimi Evropian. Ne i kemi mbajtur të gjitha premtimet që ia kemi bërë BE-së, ndërsa ata nuk e kanë përmbushur pothuajse asnjë zotim”, tha ai para fillimit të sesionit të ri parlamentar në Ankara. Erdogani saktësoi se nuk e ka ndër mend të tolerojë kërkesa të reja, apo kushte në procesin e anëtarësimit të Turqisë në bllok. Zemërimi i Erdoganit e ka burimin edhe nga një vendim i Gjykatës Evropiane për të Drejtat e Njeriut, e cila e kritikoi Turqinë të enjten e kaluar për dënimin e një mësimdhënësi pas përpjekjeve të puçit ushtarak në vitin 2016. Vendimi i gjykatës se të drejtat e tij qenkan shkelur mund ta krijojë një precedent të fuqishëm, në një kohë kur gjykata me bazë në Strasburg ka para vetes mijëra raste të ngjashme. Turqia e fajëson grupin puçist të udhëhequr nga kleriku turk me vendbanim në Shtetet e Bashkuara, Fetullah Gulen, për puçin e dështuar për ta rrëzuar nga pushteti, ku pati qindra të vrarë. Vendimi i gjykatës së Strasburgut ishte goditja e fundit, Turqia nuk do t’ia kthejë shpinën luftës kundër këtij grupi tradhtarësh, tha Erdogan.
