Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rezoluta e fundit që u miratua
nga Këshilli i Evropës, e cila u propozua nga raportuesi spanjoll, Augustin
Konde, vlerësohet si një kthim prapa për Kosovën dhe fuqizim të Rezolutën 1244.
Miratimi i saj vjen në një kohë kur Qeveria e Kosovës deklarohet se do të anëtarësojë
vendin në mekanizmat ndërkombëtarë të sigurisë, siç janë Interpol-i dhe
Europol-i. Por, kjo rezolutë inkurajon UNMIK-un që t’i shtojë kapacitetet e bashkëpunimit
me këto organizata ndërkombëtare. Njohësit e zhvillimeve politike vlerësojnë se
ky raport negativ është pasojë e paaftësisë së institucioneve të Kosovës. Sipas
tyre, kjo Rezolutë po vë në pikëpyetje edhe qëndrimin e shteteve mike të Kosovës,
të cilat po e pranojnë Rezolutën 1244. Duhet të kujtohet, me këtë rast, se
Serbia dhe Rusia vazhdimisht kanë këmbëngulur në fuqizimin e administratës së
UNMIK-ut në Kosovë.
