Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-emisari amerikan për dialogun Kosovë – Serbi në administratën e Donald Trumpit, z. Richard Grenell, ka kritikuar BE-në se po dështon në dialogun e Brukselit. Ai thotë se dialogu ndërmjet Beogradit dhe Prishtinës po dështon, sepse Departamenti i Shtetit po negocion me evropianët dhe, ndërsa BE-ja ka më shumë fjalë se vepra. Në një intervistë për televizionin serb RTS, Grenelli tha se Albin Kurti i hedh poshtë të gjitha idetë dhe se nuk i bën dobi. Mendoj se ne e dimë që Kurti thjesht nuk është i dobishëm në këtë situatë. Kam biseduar me të dhe ai është dikush që nuk i ka pëlqyer kurrë asnjë ide. Ai hodhi poshtë çdo ide që i ofronin amerikanët. Tani ai hedh poshtë idetë e ofruara nga evropianët. Edhe administrata ‘Biden’ duhet ta kritikojë atë. Unë gjithashtu mendoj se ai nuk po i shërben popullit të tij. Nuk ndihmon në këtë situatë. Sipas Grenellit, Kurti ka refuzuar edhe idetë e ish-presidentëve të SHBA-së, Bill Clinton e Barack Obama, ndërsa thotë se Amerika e ka kuptuar se është i padobishëm në dialog.
