Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtoresha e zyrës për regjistrimin e partive politike në Komisionin Qendror të Zgjedhjeve në Kosovë, Miradije Mavriqi ka konfirmuar ndryshimin në përbërjen e Grupit Parlamentar të Listës Serbe. Shefin aktual të Grupit të Deputetëve të Listës Serbe në Kuvendin e Kosovës dhe kryetarin e deritashëm të kësaj liste, Sllavko Simiq e zëvendëson Aleksandër Jabllanoviq. Ajo ka thënë se është bërë pranim-dorëzimi i detyrës në krye të Listës Serbe nga kryetari i deritashëm, Sllavko Simiq te Aleksandar Jabllanoviq, i cili një kohë ka qenë në krye të Ministrisë për Kthim dhe Komunitete në Qeverinë e Kosovës, deri kur pas presionit të fuqishëm të opozitës atë u detyrua ta shkarkojë nga posti kryeministri, Isa Mustafa, pasi ai nuk kishte kërkuar falje, pas deklaratave që fyenin nënat e Gjakovës, të cilët i kishte quajtur “egërsira”. Ai u shkarkua nga ky funksion pas protestave kundër tij në tërë Kosovën. Tani serbi Jabllanoviq ulët në të njëjtën sallë me deputetët shqiptarë, pa u kërkuar falje nënave të Gjakovës por as shqiptarëve në përgjithësi. Ky akt tregon jo vetëm brishtësinë, por edhe vasalitetin konstant të qeveritarëve tanë.
