Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomati holandez, Robert Bosch, ka reaguar ashpër ndaj vendimit të Gjykatës Speciale që i pamundësoi Hashim Thaçit, ish-presidentit të Kosovës, pjesëmarrjen në varrimin e babait të tij, Haxhiut, në Drenicë. Bosch e ka quajtur këtë veprim “mizor” dhe ka shprehur habi për faktin që Thaçi, i cili kishte kontribuar në krijimin e Gjykatës Speciale, nuk u lejua të merrte pjesë në ceremoninë e varrimit të babait të tij. Bosch tha se kishte lexuar shpjegimin e Gjykatës Speciale për këtë vendim dhe e konsideroi atë si “skandaloz”. Ai theksoi se Thaçi dhe kolegët e tij kishin shkuar në Hagë vullnetarisht dhe se nuk ishin të arrestuar, dhe për këtë arsye, sipas diplomatit, duhet të kishte më shumë konsideratë ndaj tyre. Bosch gjithashtu komentoi gjykimin që po iu bëhet katërshes së UÇK-së në Hagë, duke deklaruar se Ushtria Çlirimtare e Kosovës nuk kishte një strukturë të organizuar dhe e quajti të tepërt dhe qesharake të quhet UÇK-ja një “ndërmarrje kriminale”.
