Rregullohet infrastruktura rrugore në tri fshatra të Malishevës

05/10/2017 Institucionet

Fshatrat Balincë, Mleqan dhe Plloqicë, në Komunën e Malishevës, janë bërë edhe me disa rrugë të rregulluara. Pas zgjerimit, rregullimit dhe bazës së rrugëve, këto ditë janë asfaltuar dy rrugë në Balincë, tri rrugë në Mleqan dhe të gjitha rrugicat në fshatin Plloqicë. Me këto rrugë, pothuajse është përfunduar rregullimi i infrastrukturës në këto fshatra. Rrugët e përfunduara, të gjitha, kanë rëndësi jetike për banorët e lagjeve  të këtyre fshatrave, pasi lidhen me rrugët kryesore, apo edhe me shkollat në fshatrat e tyre, dhe rrjedhimisht lehtësohet qarkullimi i banorëve brenda fshatit. Sipas drejtorit të urbanizmit, Ahmet Morina, pothuajse të gjitha rrugicat e këtyre fshatrave janë rregulluar, dhe këto janë investime nga buxheti komunal i Malishevës, në kuadër të investimeve kapitale, të parapara për këtë vit.

Morina, gjithashtu, ka bërë të ditur se projektet njëvjeçare, të planifikuara për këtë vit, janë drejt përfundimit dhe nuk ka vonesa në realizimin e projekteve.

Kontrolloni gjithashtu

Festat e Nëntorit nisën me edicionin e 52-të të Festivalit “Kosovarja Këndon”

Festat e Nëntorit nisëm me Festën e Këngës Popullore – edicionin e 52-të të Festivalit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara