Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova mund të hyjë në një ngërç të thellë politik nëse Kuvendi nuk konstituohet deri më 30 prill 2025. Këtë paralajmërim e ka bërë Naim Jakaj nga Instituti i Kosovës për Drejtësi. Deri tani janë bërë dy tentativa për konstituim, por kanë dështuar për shkak të mospajtimeve politike. Opozita po kërkon dorëheqjen formale të ministrave që janë zgjedhur deputetë, para se të betohen. Sipas Ligjit për Qeverinë, kjo dorëheqje duhet të ndodhë para certifikimit të zgjedhjeve. Kryeministri në detyrë, Albin Kurti, e konsideron këtë të panevojshme. Jakaj e cilësoi ndërprerjen e fundit të seancës si shkelje procedurale. Opozita akuzon Vetëvendosjen për pazare politike dhe vonesa të qëllimshme. Nëse Kuvendi nuk konstituohet në kohë, vendi rrezikon bllokadë institucionale si në vitin 2014.
