Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rritja e tatimit në pronë dhe propozimi për faljen deri në 100 euro për këtë taksë, janë ndër shqetësimet kryesore të kryetarëve të Komunave. Në njoftimin e Asociacionit, thuhet se për të adresuar temat, shqetësimet, nevojat dhe kërkesat e Komunave të Kosovës, Kryetarët e Komunave kërkojnë takim me Qeverinë e Kosovës. Temat e propozuara në takimin tonë të përbashkët do mund të ishin: Tatimi në pronë – Ligji i ri për tatimin në pronë si dhe mundësia e faljes së 100 euro përmes ligjit; Procedurat e rekrutimit në shërbimin publik; Të hyrat vetanake dhe buxheti për Komunat; Pronat e administruara nga Agjencia Kosovare e Privatizimit dhe nga Agjencia e Pyjeve e që mund të jenë në interes të komunave; Grantin e Katërt për Komunat, procedimin e ligjit për financa lokale. Kjo kërkesë, në emër të Bordit të Asociacionit të Komunave të Kosovës, iu ka adresuar kryeministri i Kosovës Albin Kurti, ku ka kërkuar një takim mes Qeverisë së Kosovës dhe Kryetarëve të Komunave për të debatuar temat dhe çështjet që preokupojnë aktualisht Komunat e Republikës së Kosovës ka thënë kryetari i AAK-së, Agim Aliu.
