Rrjet i ri elektrik për disa lokalitete të Skenderajt

18/12/2016 Institucionet

Në bazë të prioriteteve të Komunës së Skenderajt, KEDS ka filluar shtrirjen e rrjetit të ri elektrik në Lagjen 6 të Skenderajt, në fshatin Makërmal dhe një pjesë të fshatit Kopiliq i Poshtëm.

Rrjeti elektrik nëpër këto vendbanime të Komunës së Skenderajt po realizohet në bazë të nevojave të qytetarëve dhe prioriteteve të Komunës së Skenderajt, si dhe falë bashkëpunimit të frytshëm me KEDS.

Investimet në këtë fushë përfshijnë shtrirjen e rrjetit elektrik kabllor dhe vendosjen e trafostacioneve të reja.

Lagja 6 e Skenderajt, fshati Makërmal dhe një pjesë e fshatit Kopiliq i poshtëm kanë pasur problem në furnizim me energji elektrike për shkak të rrjetit të vjetruar dhe mungesës së trafostacineve të mjaftueshme.

Fadil Nura, nënkryetar i komunës së Skenderajt, duke shprehur edhe praktikisht përkrahjen për këto investime që po bënë KEDS, ka vizituar lokalitete ku po punohet në përmirësim të furnizimit me energji të qytetarëve të Skenderajt. Ai ka shprehur kënaqësinë për këto investime që janë prioritet për jetë më të mirë të qytetarëve.

Në bazë të nevojave dhe kërkesave të qytetarëve të adresuara nga Komuna e Skenderajt, KEDS në vitin e ardhshëm do të investojë në rrjetin elektrik në fshatin Lubavec dhe në fshatrat e tjera të Skenderajt që kanë probleme me furnizim të energjisë elektrike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara